«Թլենի» գյուղատեղիի եկեղեցին

Պատմական ակնարկ

Եկեղեցու մասին պատմական տեղեկությունները բացակայում են: Համաձայն Արցախի ԿԳՄՍ հուշարձանների պահպանության ծառայության վկայագրի՝ «Թլենի» եկեղեցւո ավերակները և շրջակա գերեզմանոցը թվագրվում են 11-12-րդ դարերով:

Ճարտարապետա-հորինվածքային նկարագրություն

Պահպանվում է եկեղեցու հյուսիսային պատը: Եկեղեցին կառուցված է եղել անտաշ ու կիսամշակ փոքր ու միջին չափերի քարերով ու կրաշաղախով (նկ. 2-5): Եկեղեցու մոտ է տարածվում ընդարձակ գերեզմանոցը (նկ. 6): Այն զբաղեցնում է 0.5 հա մակերես: Գերեզմանաքարերի զգալի մասը կիսամշակ ու կոպտատաշ տապանաքարեր են, կան նաև խաչքարեր (նկ. 7, 8):