Հինշենի Եղցու գլուխ տեղամասի եկեղեցին

Ճարտարապետա-հորինվածքային նկարագրություն

Եկեղեցին ունի ուղղանկյուն հատակագիծ: Այն միանավ սրահ է: Կառուցված է սպիտակավուն փոքր ու միջին չափերի անմշակ ու կիսամշակ կրաքարով, շաղախով, սրբատաշ են միայն մուտքի եզրաքարերը, բարավորի քարը: Շինության միակ մուտքը բացվում է հարավային կողմից (նկ. 2, 3): Եկեղեցին ունի երկու լուսամուտ՝ մեկը արևմտյան ճակատին, մյուսը՝ արևելյան: Եկեղեցին ներսից թաղածածկ է, իսկ պատերը՝ սվաղապատ (նկ. 4):