Մատաղիս գյուղի գերեզմանատան մատուռը

Մատուռը չունի ստույգ թվագրություն։ Համաձայն Արցախի Հանրապետության Կրթության, գիտության, մշակույթի և սպորտի նախարարության Հուշարձանների պահպանության վկայագրի՝ չի բացառվում, որ մատուռը կառուցված լինի 12-13-րդ դարերում (նկ․ 4, 5): Մատաղիս գյուղը և նրա եկեղեցին նկարագրած Մակար Բարխուդարյանցը  չի հիշատակում գերեզմանատան մատուռը (Բարխուտարեանց 1895, 231):

Ճարտարապետա-հորինվածքային նկարագրություն

Մատուռ միանավ թաղակապ շինություն է, կառուցված է տեղական մոխրագույն անտաշ ու կոպտատաշ մեծ ու փոքր քարերով և կրաշաղախով, ունեցել է երկթեք տանիք: Միակ մուտքը արևմուտքից է: Արևելյան կողմում է գտնվում միակ պատուհանը: Մատուռի բարձրությունը 4,5 մետր է, ներքուստ նրա չափերն են՝  3,8X2,23 մետր:

Վիճակը պատերազմից առաջ և հետո

Եկեղեցին Արցախյան պատերազմների ժամանակ չի տուժել: Մատաղիս գյուղի օկուպացումից հետո մատուռի մասին տվյալները բացակայում են:

Գրականություն

1. Բարխուտարեանց 1895-Բարխուտարեանց Մ., Արցախ, Բագու։