Մխիթարաշենի Սուրբ Աստվածածին եկեղեցին

Պատմական ակնարկ

Մխիթարաշեն գյուղը նախկինում կոչվում էր Արկաթալու, Ըրկըթալի, Արկաթալու շեն (Բալայան 2020, 112): Գյուղի եկեղեցու մասին տեղեկությունները բացակայում են: Մակար Բարխուդարյանցը «Արցախ» աշխատանքում հիշատակում է գյուղի եկեղեցին: Որևէ այլ ինֆորմացիա այս եկեղեցու մասին նա չի տալիս (Բարխուտարեանց, 1895, 133):

Ճարտարապետա-հորինվածքային նկարագրությունը

Եկեղեցին ավերակված է, պահպանվում են հիմնապատերը մինչև 1 մետր բարձրությամբ: Հիմնապատերը շարված են միջին չափերի ճեղքված քարերով, կրաշաղախով: Եկեղեցին հորինվածքով ունի ուղղանկյուն հատակագիծ՝ արևելյան կողմում կիսաշրջան խորանով (նկ. 2, 3): Եկեղեցու շուրջը տարածվում է 19-20-րդ դարերի գերեզմանոցը (նկ. 4): Համաձայն Արցախի ԿԳՄՍ վկայագրի՝ եկեղեցու ավերակները թվագրվում են 17-18-րդ դարերով: