Վիճակը պատերազմից առաջ, ընթացքում և պատերազմից հետո
Պատերազմից առաջ և ընթացքում՝ 1989-1992 թվականներին, Իշխանասարից Բերձոր (Լաչին)» ջրագիծ անցկացնելու պատճառով ադրբեջանցիները տարածք ազատելով, իրենց տեղից հեռացրել են խաչքարեր, տապանաքարեր, որմնաքարեր և վերածել կույտի (ՅԱԿՈԲԵԱՆ 1982, 271)։ Հետագայում վիճակը ուշագրավ փոփոխություններ չի կրել։
Մատենագրական քննություն
Հետազոտող Ս․ Կարապետյանն իր «Հայ մշակույթի հուշարձանները Խորհրդային Ադրբեջանին բռնակցված շրջաններում» գրքում Հակ գյուղի ներկայացման վերջում անդրադարձել է հուշարձանին, այն նույնացնելով «Ժամանակագրության» մեջ հիշատակված Աղվեսահաքի բնակավայրին, իսկ «Աղվատխեր» անունը համարել է դրա քրդական տարբերակը (Կարապետյան 1999, 132)։
Հուշարձանին համեմատաբար ընդգրկուն է անդրադարձել Ալեքսան Յակոբեանը։ Վերջինս ներկայացրել է հուշարձանը, հրատարակել տարբեր տարիներին տարածքից հայտնաբերված արձանագրությունները, անդրադարձել տեղանվան հետ կապված խնդրին և այլն (ՅԱԿՈԲԵԱՆ 1982, 270-280; ՅԱԿՈԲԵԱՆ 2009, 228-232)։
Գրականություն
- Յակոբեան 1998 - Յակոբեան Ա, Հակարիի վերնահովտի նորայայտ վիմագրերը// Հանդէս ամսօրեայ. ՃԺԲ տարի, Վիեննա։
- Յակոբեան2009 - Յակոբեան Ա., Հակարիի վերնահովտի նորահայտ վիմագրերը․ Բ// Մերձավոր և Միջին արևելքի երկրներ և ժողովուրդներ, հատոր 27, Երևան:
- Կարապետյան 1999 - Կարապետյան Ս., Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան:
- Աղբաթխերտի եկեղեցին, Monumentwatch.org - https://monumentwatch.org/hy/monument/%d5%a1%d5%b2%d5%a2%d5%a1%d5%a9%d5%ad%d5%a5%d6%80%d5%bf%d5%ab-%d5%a5%d5%af%d5%a5%d5%b2%d5%a5%d6%81%d5%ab%d5%b6/:
