Ներքին Հոռաթաղի սբ. Գևորգ եկեղեցին

Պատմական ակնարկ

Ներքին Հոռաթաղի Սբ. Գևորգ եկեղեցին կառուցվել է 2012 թվականին: Եկեղեցու ճարտարապետն է Մանուշակ Տիտանյանը: Կառուցմանը մասնակցել են թե′ գյուղի բնակիչները և թե′ զորամասի զինվորները (https://news.am/arm/news/94233.html): Եկեղեցու կառուցման նախաձեռնողը եղել է Արցախի պաշտպանության բանակի հրամանատարներից Նորայր Ասլանյանը (https://times.am/6039/):

Ճարտարապետա-հորինվածքային նկարագրություն

Եկեղեցին հատակագծում ուղղանկյուն սրահ է, արևելյան աբսիդով և երկթեք տանիքով: Կառուցված է արցախյան սպիտակ կրաքարով: Պատերը շարված են կոպտատաշ փոքր ու միջին չափերի քարերով: Սրբատաշ են անկյունաքարերը, եկեղեցու մուտքը, լուսամուտները (նկ. 3, 4): Մուտքը հարդարված է զարդաքանդակներով: Եկեղեցու տանիքը կղմինդրածածկ է և պսակվում է զանգաշտարակով: