Վերջին հետազոտությունները բերում են այն համոզման, որ կարծրացած այն պատկերացումը, թե արցախցի կանայք, որ 19-րդ դարի ազգագրական որոշ քննություններում ներկայացվում են երեսները և հատկապես բերանները հատուկ քթկալով կամ բերանկալով փակված, այդ սովորույթը ժառանգել են խոր անցյալից, որպես զրադաշտական հավատալիքների դրսևորում, փաստացի հիմնավորումներ չունեն:

Ավելին, արցախյան խաչքարային և տապանաքարային պատկերաքանդակում կանայք ներկայանում են տղամարդկանց հետ համարյա համահավասար, առանց դեմքի ու բերանի փակի, գլխաշորով, որը փակում է միայն մազերը: