Պատմական ակնարկ
Կամուրջի կառուցման մասին տեղեկություններ չկան, սակայն, հաշվի առնելով կառուցման առանձնահատկությունները և ճարտարապետական ոճը, այն թվագրվում է 17-18-րդ դարերով։
Ճարտարապետա - հորինվածքային քննություն
Միաթռիչք կամուրջ է։ Կառուցված է անմշակ գետաքարով և կրաշաղախով։ Սրբատաշ են կամարի անկյունաքարերը։ Թռիչքի երկարությունը 5,50 մետր է, անցուղու լայնությունը՝ 4,35 մետր, բարձրությունը՝ 4,25 մետր (Կարապետյան 2009, 78)։
Վիճակը պատերազմից առաջ, ընթացքում և հետո
Մինչև 2020 թվականի պատերազմը կամուրջը կանգուն էր և օգտագործվում էր։ Ռազմական գործողությունների և հետպատերազմյան շրջանի մասին տեղեկություններ չկան։
Գրականություն
Կարապետյան 2009 - Կարապետյան Ս․, Արցախի կամուրջները, Երևան։
