Ջարվանեսի կամուրջը

Պատմական ակնարկ

Կամուրջը հայտնի է Ջարվանես կամ Ջրվանես անուններով։ Կառուցման վերաբերյալ պատմական տեղեկությունները բացակայում են։ Ըստ ճարտարապետական և շինարարական առանձնահատկությունների` կամուրջը կառուցվել է 13-րդ դարի կեսերին։ Այն կարևոր ճանապարհային կապող հանգույց է հանդիսացել Քթիշ բերդի, Գտչավանքի և նրանցից հյուսիս ընկած տարածաշրջանների համար։

Ճարտարապետական – հորինվածքային նկարագրություն

Կամուրջը նախատեսվել և կառուցվել է հետիոտնի և սայլակառքերի համար։ Կամարակապ միաթռիչք շինություն է։ Կառուցված է կոպտատաշ և անմշակ քարերով, ամրացված կրաշաղախով։ Կամրջի խելերի հիմքերը նստած են բնական մեծ ժայռերի վրա (նկ․ 3, 4)։