Տանձատափի եկեղեցին

Պատմական ակնարկ

Տանձատափի եկեղեցու մասին տեղեկությունները շատ քիչ են։ Հիմք ընդունելով  ճարտարապետական-հորինվածքային լուծումները և պատմական իրողությունները եկեղեցին թվագրվում է 19-րդ դարի երկրորդ կեսով։

Ճարտարապետական-հորինվածքային քննություն

Եկեղեցին ուղղանկյուն հատակագծով, արևելյան կողմում կամարաձև ներգծված խորանով և զույգ ավանդատներով միանավ սրահ է: Կիսագլան թաղը հենվում է զույգ որմնասյուներով կազմվող կամարների վրա, տանիքը երկթեք է, արտաքին չափերն են՝ 14,50x8,30 մետր (Կարապետյան 1999, 204, նկ․ 3)։

Մատենագրական քննություն

Հետազոտող Ս․ Կարապետյանն իր «Հայ մշակույթի հուշարձանները Խորհրդային Ադրբեջանին բռնակցված շրջաններում» գրքում ներկայացնելով գյուղն ու եկեղեցին, անդրադառնում է նաև եկեղեցու շուրջը գտնվող ավերված գերեզմանոցից պահպանված առձանագիր տապանաքարին, որը թվագրում է 1882 թվականով (Կարապետյան 1999, 205)։

Վիճակը պատերազմից առաջ, ընթացքում և պատերազմից հետո

Տանձատափի եկեղեցին պատերազմից առաջ և հետո, զգալի փոփոխությունների չի ենթարկվել (նկ․ 6)։